"𝐋𝐲"

الطريفُ أن الذين سقطوا في الحفرة ألف مرة يتحدثون عن البصيرة!.

الحياة ممتعة كتير وحالمة وخيالية وقت تقرأ رواية آن في المرتفعات الخضراء بشهر ابريل وبالمنتزه المليان اقحوان تحت اشعة الشمس على ضفاف النهر _حصلت قبل عدة ساعات_ وحاسة بشعور ماله مثيل ❤️

مليت وأنا كل ما افتح مقال على جوجل ولا منشور عالانستا ولا تقرير وأي شي فيه كتابة طويلة لاقي أسلوب Chat GPT بوجهي
          خلي عندكن أسلوب ما كلشي نسخ لصق
          حتى لو اخدتو معلومة منه صيغوها بطريقتكن خليها تصير مقبولة شوي وانشروها
          يا اخي حطو لمسة تعذبولكن فيها والله الموضوع بيستحق الجهد مافي داعي لكل هالكسل الزايد!! 
          كلشي بالحياة صار جامد حتى الروايات عم تصير هيك وكأنه كاتبها عقل آلة ما إنسان 
          هاد الشي ما منصف بحق الأعمال يلي بتطلع من تحت ايده لأن مافيها روح ولا فيها لمسة بشرية وكلشي صاير منسق ومثالي بشكل بخوف!!
          من فترة لقيت منشور لدكتورة والمفروض انها مثقفة وعم تشارك معلومات مهمة لو مطالعته بالقالب من هالتطبيق ما كان صاغته هيك.. 
          طيب كيف ممكن نوثق بالمعلومة يلي عم يعطيها مختص وهو يمكن ما مكلف حاله يقرأها كاملة ولا مدقق فيها ولا منقحها..
          مع الأسف الوضع عم ياخد منحنى سيء بسبب سوء الاستعمال
          الذكاء الاصطناعي بحاجة لفهم بشكل واعي أكتر وتعامل حذر وآمن 

خبر مشروع القطار بين الأردن وسوريا مفرح جداً
          متخيلين قطار عابر للحدود بالشرق الأوسط؟ 
          وسياحي؟ وعلى خطوط الحجاز التاريخية!!
          هي الأمور خطوة كتير جبارة لقدام وبتعمل ترابط أعمق بين المناطق بشكل مختلف عن كل اللي عشناه بالماضي من تفرقة وحدود وهمية ومسميات بلا طعمة
          وعالأقل بتثبت أنو مافي حدا بينسى الحب والصداقة اللي كانت بين شعوب العرب ومستحيل تنتهي لو العالم كلو بدو إياها تنتهي..

"‏خَفيفةُ الرُّوح لو رامت لخفَّتها رقصًا على الماءِ ما ابتلَّت لها قَدَمُ"
          

كيفك اخبارك؟

تعاملي بطل سماوي مثل الشحاد بدون وطن وبدون اجنحه بس بدون اسم كمان مش مقبوله منك ⁦⁦ಠ⁠ಗ⁠ಠ⁩
           ما رح تتكرمي عليه وتسميه؟!! 

قضيت يوم كامل بعيد عن الانترنت مع اخوتي لعبنا تركيب بازل ١٠٠٠ قطعة (لحد الآن ما خلصنا الرسمة) وضلينا ساعات عليها
          هي خريطة مدمجة للعالم مع رسومات من عصر النهضة ❤️
          بعدها بلشت بقراءة مذكرات قبو لدوستويفسكي كان واصلني برمضان هو ومجموعة كتب أخرى بس ما قرأت شي منهن لسا 
          البطل كالعادة مختل نفسي بس مختلين دوستويفسكي مختلفين عن أي مختلين تانيين بالعالم والهم نكهة مختلفة 
          ما عندي فكرة متى بخلص الكتاب
          كان يومي مميز ❤️

لا تنسو الصلاه على النبي محمد عليه افضل الصلاه واتم السلام 

زعلانة لأنو بلشنا نودع النجوم المعروفين بفصل الشتاء
          متخيلين بفصل الصيف مواقعهن رح تتبدل وكتير منهن ماعاد نشوفهن لبعد شهور طويلة؟
          
          هالسنة قضيت وقت كتير حلو بالتأمل وبالرصد ورسمت خرائط لقبة السماء وحللت اسماءهم بالأشعار الجاهلية
          الرؤية هي كانت الأوضح بالنسبة الي من سنين خصوصي لما زرت بادن فورتمبيرغ وقضيت ثلاث ليالي بالريف صح كان برد وعيوني يدمعوا من النظر لفوق بسبب الهوا بس التجربة كتير بتستحق 
          
          يمكن ودعت المنطقة ما بعرف ايمت بزورها مرة تانية بس حتى مكان إقامتي مميز ومافيه تلوث ضوئي عالي
          
          منشوفهم السنة الجاية..
          
          مع كل محبتي لorion ❤️